مدينة العلم
السلام عليكم و رحمة الله وبركاتة
اهلا و سهلا بك في منتدى مدينة العلم


مدينة العلم

قال الرسول الأعظم محمد صلى الله عليه و آله وسلم ( أنا مدينة العلم وعلي بابها ، فمن أراد العلم فليأتها من بابها)
 
الرئيسيةس .و .جبحـثالتسجيلدخولالتسجيل
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
اعلانات
  • بحـث
     
     

    نتائج البحث
     
    Rechercher بحث متقدم
    المواضيع الأخيرة
    » صور اسلاميه
    السبت فبراير 22, 2014 1:01 pm من طرف محمود

    » شفت بل النار خيمه مستعرة -الملة با سم الكربلائي
    الثلاثاء نوفمبر 22, 2011 5:34 am من طرف قصة مشاعر

    » وأريد العهد منك يالقلت بحماي ما انت القلت قومي لكربلا وياي -باسم الكربلائي
    الثلاثاء نوفمبر 22, 2011 5:32 am من طرف قصة مشاعر

    » الرمان.....
    الخميس ديسمبر 23, 2010 9:04 pm من طرف alik2009

    » اذا كانت لديكم اي اقتراحات و اراء بخصوص تطوير المنتدى الى الافضل الرجاء طرحها لكي نناقشها
    الثلاثاء ديسمبر 21, 2010 10:34 am من طرف بسام التقي

    » ولادات و وفيات اهل البيت (( عليهم السلام ))
    الثلاثاء أغسطس 31, 2010 12:41 am من طرف شيعي و افتخر

    » اعلان.......
    الثلاثاء أغسطس 31, 2010 12:35 am من طرف شيعي و افتخر

    » معانات الإمام علي (عليه السلام) و أهل بيته من معاوية
    الثلاثاء أغسطس 31, 2010 12:30 am من طرف شيعي و افتخر

    » تاريخ السنة والشيعة
    الثلاثاء أغسطس 31, 2010 12:28 am من طرف شيعي و افتخر

    ازرار التصفُّح
     البوابة
     الصفحة الرئيسية
     قائمة الاعضاء
     البيانات الشخصية
     س .و .ج
     ابحـث
    المتواجدون الآن ؟
    ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر

    لا أحد

    أكبر عدد للأعضاء المتواجدين في هذا المنتدى في نفس الوقت كان 6 بتاريخ الثلاثاء نوفمبر 20, 2012 11:16 pm
    اعلانات
  • تسجيل صفحاتك المفضلة في مواقع خارجية
    تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

    قم بحفض و مشاطرة الرابط مدينة العلم على موقع حفض الصفحات

    قم بحفض و مشاطرة الرابط مدينة العلم على موقع حفض الصفحات

    شاطر | 
     

     مجموعة من قصائد الملا باسم الكربلائي

    استعرض الموضوع السابق استعرض الموضوع التالي اذهب الى الأسفل 
    كاتب الموضوعرسالة
    شيعي و موالي
    اداري عام
    اداري عام
    avatar

    ذكر الابراج : القوس
    عدد المساهمات : 110
    نقاط : 251
    السٌّمعَة : 3
    تاريخ التسجيل : 22/11/2009
    العمر : 25

    مُساهمةموضوع: مجموعة من قصائد الملا باسم الكربلائي   الخميس يناير 21, 2010 11:40 pm

    اسأل وين



    اسأل وين .. وأنا بحيرة

    عن حسين .. مو عن غيرة

    جاوب لاتحيرني .. مو عالاربعة أخبرني

    عن حسين .. مو عن غيرة

    ...

    لاتشرح أكثر يالحادي .. شوف أبحالي أشسوى البين

    أسئل عن حسين أوليدي .. جاوب وتهل دمع العين

    عبدالله وجعفر يالحادي .. كلهم فدوة لوجه احسين

    من سمعت عباس أنهارت .. قامت تصفق بالـچفين

    فدوة تروح كل ويلادي .. لأجل حسين روح الهادي


    حست بالهضم روحي .. وأسمع صرخة أجروحي

    عن حسين .. مو عن غيرة

    ...

    قال إلها حسين أعلى الغبرة .. عاري أو ظل بلا تغسيل

    وخيول أعداك رضت صدرة .. وعالايتام أتدوس الخيل

    ولاخيمة الظلت عد زينب .. ولا حامي الظل بس عليل

    ردت مكسورة ومهضومة .. بس دموع الحرقة أتسيل


    كون أوياك قطعوا نحري .. من فرقاك يجدع صبري

    ماأريد العمر يبني .. جوابي للأيناشدني

    عن حسين .. مو عن غيرة

    ...

    أنا وصبري لليل غيابك .. ودموعي وحسرة فرقاك

    وأتئمل ترجع يوليدي .. ماتسوى الدنية أبلياك

    وصويت أشبولي يضحولك .. دمهم يرخص لأجل دماك

    كافل زينب نور عيوني .. أعرف ماقصر وياك


    يعباس رفعت راسي .. ينبراس لأهلي وناسي

    نعمة الناصر وحامي .. يوليدي القلب دامي

    عن حسين .. مو عن غيرة

    ...

    بعد الراحو من عيوني .. ماظل غير الون والنوح

    والمثلي يعيش أويه جروحة .. ويطول ليل المجروح

    أنا أم القطعوا چفينة .. وانا أم حسين المذبوح

    أي ودموعي ونار أحزاني .. أنحب لمن روحي تروح


    يسعر دوم نار أمصابه .. كل محروم من أحبابه

    بعدك مانمت ليلي .. دمع العين يحچيلي

    عن حسين .. مو عن غيرة

    ...

    من أصدار المحكمة

    من أداء الملا باسم الكربلائي

    من كلمات الشاعر عبدالخالق المحنة


    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,

    ليش يادهري

    ليش يدهري .. شلك أعليه

    مو خلص صبري .. أرحم شويه

    بس أنادي بدمعتي .. وياهو ليسمع شكوتي

    أرحم شويه

    ...

    أتعلمت همي .. من صبر أمي .. وأنحنى ضلعي

    أذكر الزهرة .. وأسچب العبرة .. ولا نشف دمعي

    أحسب أمن الباب .. چم جرح وأمصاب .. وأندب وأنعي

    ونتي بصدري .. شوف يدهري .. وأرحم الوضعي


    أمن الضلع تبدي .. وللغاضرية

    ولازلم عندي .. بغربه مسبية

    وأنظر الروؤس أخوتي .. وياهو ليسمع شكوتي

    أرحم شوية
    ...

    هاك أخذ بلواي .. وعد يدهري أوياي .. بلكن أتعدها

    وأحسب أجروحي .. الهدمت أصروحي .. وحرت بضمدها

    صوب البسمار .. بضعة المختار .. وتنزف بعدها

    وطبرة الكرار .. من بعدها أشصار .. خلى أشيسدها


    وبالحسن بعدة .. شفت الرزية

    أمن أنمرد چبدة .. أبسم المنية

    والله قطع چبدتي .. وياهو ليسمع شكوتي

    أرحم شوية
    ...

    مستمر نوحي .. وساكن بروحي .. وأنظر لحالي

    أمن الضلع لليوم .. والقلب مهضوم .. ومنشده بالي

    منه أدير العين .. لنحر أخوية أحسين .. وچم نحر غالي

    أنا چم نحر مقطوع .. يادهر مرفوع .. ابرمحة يبرالي


    من بعد خدري .. أشدولبت بيه

    أوقف بيسري .. عد بني ميه

    أميسرة وعد شامتي .. وياهو ليسمع شكوتي

    أرحم شوية
    ...

    أبكربلة أويا الرأس .. جيت يعباس .. وذابلة أجفوني

    وين أبو النوامس .. شعتذر للناس .. من ينشدوني

    بالغاضرية .. أبحرم مبتلية .. أبغربة عفتوني

    ورأحت مسبيه .. وشسده عليه .. وشاهدة أمتوني


    وين خدري وين .. والقمر وينه

    وين أخويه حسين .. أبحسرة ردينه

    شلون أرد لديرتي .. وياهو اليسمع شكوتي

    أرحم شوية
    ...

    من أصدار المحكمة

    من اداء الملا باسم الكربلائي

    من كلمات الشاعر الحاج أحمد العبادي


    ,,, ,,,,,,,,,,,,,,,,,,,,,,,,,,,,,,,,,,,,,,,,,,
    ونه وحسره

    ونه وحسره ونوح أيتام .. زينب ردت من الشام

    من يمسح دمعتها .. أنشد وين أخوتها

    زينب ردت من الشام

    ...

    أجت من اليسر والهم أجى أويها

    مو عباس حزن الطف تلقاها

    أخت عباس شوف شلون ممشاها

    تقع وتقوم زينب وين ولياها


    يصعب حالش يأخت حسين .. وين الكافل خدرگ وين

    أفهم من حسرتها .. أنشد وين أخوتها

    زينب ردت من الشام

    ...

    هلا بصوت اليعاتب والحزن يحدي

    وأغيوم المصايب عالدرب تهدي

    أجيت الكربلا وجمرة عتب عندي

    رأيت أويا الحبايب ينحفر لحدي


    ضيم الشفته يشيب الرأس .. وأنده وينك يعباس

    من أسمع صيحتها .. أنشد وين أخوتها

    زينب ردت من الشام

    ...

    هوت فوق القبر طير أنكسر جنحه

    يموقف ياخويه أخلفاك أنشرحه

    رأسك عالرمح والشامت أبفرحه

    يعيد الشامته البلقلب جرحه


    قاصد يسئل زينب هاي .. وين الكافل والحماي

    من جمرة نظرتها .. أنشد وين أخوتها

    زينب ردت من الشام

    ...


    تعنت للشريعة ونادت وحنت

    زينب يالچفيل أمن اليسر ردت

    أسئل يبن أبوها هناك شتمنت

    تجيها برأيتك يل بإسمك تنخت


    من ضربوني كون أتشوف .. لچان وسفة أبلاية أچفوف

    يأيد الضربتها .. أنشد وين أخوتها

    زينب ردت من الشام

    ...

    من أصدار المحكمة

    من أداء الملا باسم الكربلائي

    من كلمات الشاعر السيد عبدالخالق المحنه


    ,,,,,,,,,,,,,,,,,,,,,,,,,,,,,,,,,,,,,,,,,,,
    راس الرمح

    كل منحر الشايله .. چم لوعة وشچم جرح

    أشتعرض لهل عايله .. جاوب يراس الرمح

    يراس أصد يراس .. لبن أمي لو عباس

    جاوب يراس الرمح

    ...

    ويلي أمن أصد ويا الدرب .. ونار القلب تتلاهب أبحسراتي

    يتحدى صبري كل صعب .. تطلع غصب ماتندف آهاتي


    أنظر وچم راس .. يلوح لعيوني

    وأندب العباس .. كافل أضعوني

    وعالخد تصب دمعاتي


    بين أخوتي أمدلـله .. مهيوبه عفت الوطن

    لأني سبيه أبفله .. ويلاه يغدر الزمن


    وأسمع شتم أرجاس .. لبن أمي لو عباس

    جاوب يراس الرمح

    ...

    رد يرمح وأذكر أمس ضي الشمس .. وحسين أخويه أقبالي

    لو قلتك عودك مايحن من ألتمس .. وأشرح هضم دلالي


    دم نحر عباس .. من خضب راسه

    لابد النوماس .. حرك أحساسه

    وأدري بنحر كفالي


    براس الأخو الحامله .. بغيرة وجبل من وفى

    وظعن البدر كافله .. حي وأبد ماغفى


    يلوق لمن النوماس .. لبن أمي لو عباس

    جاوب يراس الرمح

    ...

    غر يرمح بالمظلمة .. أبهالمحكمة .. ندري الذنب مو ذنبك

    دم السفك أشرف دمى .. أرض وسمى .. وبهالنحور أمخضبى


    أحفظ الشاله .. وأشهد أعلى الصار

    وسولف أهواله .. للنبي المختار

    وأنقل مصايب دربك


    أروي القصص كاملة .. وأعرضها يوم الحشر

    سولف لعقد الولة .. وجدامة شنهو العذر


    وشتعتذر هالناس .. لبن أمي لو عباس

    جاوب يراس الرمح

    ...

    جاوب يروح النايبة .. وشتجاوبة .. الينظر خضاب أبراسك

    من يانحر طبعه الابة .. ومن خضبة .. وأعرف ذنب حراسك


    تدري نحر حسين .. ينفس شمة

    وتدري بالكونين .. منزلت أمة

    ومنهن أخذ مقياسك


    نحرة النبي القبلة .. شتريد أعدد شرف

    راسه الذكر رتلة .. وأشفافة تقرى الكهف


    دوم الشرف ينقاس .. لبن أمي لو عباس

    جاوب يراس الرمح

    ...

    صد يرمح جمر الغضى .. من تعرضى .. ابدرب اليسر جدامي

    وأنشدني عن ليل المضى .. شلون أنقضى .. وأنشدني عن أيتامي


    أبلازلم ضلت .. تحرس الصيوان

    وبالخيم نهبت .. يالرمح نيران

    بس الحرم بخيامي


    أشرواني طف كربله .. ماظل لادمع لاصبر

    ويا موقف أتحمله .. وشوف الرزيا أشكثر


    أمن أنظر طفل ينداس .. لبن أمي لو عباس

    جاوب يراس الرمح

    ...

    شحچي وشسولف يارمح .. عن ياجرح .. عن ياهضم بيش أبديه

    صعدت شموسك يارمح .. ويا الصبح .. كلهن قطع من چبدي


    من تصد عيني .. الروؤس ولياني

    والله تاذيني .. لوعة أحزاني

    غير الدمع أنا ماعندي


    بس دمعتي الهاملة .. تلهب جمر عالوجن

    حسراتي متواصلة .. بيها القلب منتحن


    وشيحمل الأحساس .. لبن أمي لو عباس

    جاوب يراس الرمح

    ...

    من أصدار المحكمة

    من أداء الملا باسم الكربلائي

    من كلمات الشاعر الحاج أحمد العبادي


    ,,,,,,,,,,,,,,,,,,,,,,,,,,,,,,,,,,,,,,,,,,

    زهراء

    قصدت إلى قبر البتولة بشجوها .. تشكو جراح الطفي والنكباتي

    زهراءُ ياأماه يصرخُ دمعها .. نشكو إليكِ الحزنا والحسراتي

    .................

    زهراءُ ياأماه .. نشكو إليكِ الآه

    بالدمعي والأحزان .. عدنا إلى الأوطان

    نشكو إليكِ الآه

    ...

    أجيت أمن السبي ودمعي .. ييمه أمن الهضم يجري

    وأريد أحچلگ الشفته .. يروح المصطفى وأدري

    أوسيگ وتواسيني .. بمصاب إلي حنى ظهري


    شفت بالغاضرية حسين .. وحيد بوليت الصوبين .. ييمه ولا بقاله معين

    ضامن على الرمضاء .. قتلوهُ يزهراء

    وراسهُ المقطوع .. فوق القنا مرفوع

    والمشتكى لله

    ...

    على عود الصبر بالليل .. توچيت بقلب مجروح

    ييمه بلا فكر لا راي .. ألف هم اليحز بالروح

    طلعت الساحة الميدان .. أدور عالأخو المذبوح


    لقيته أموسد الغبرة .. عزيزگ هشمو صدرة .. بعد ماقطعوا النحرة


    الخدُ منهُ تريب .. والجسمُ منهُ سليب

    ويلاهُ يزهراء .. تركهُ دونَ رداء .. ويلاهُ ياويلاه

    ...

    شسولف عن قمر هاشم .. شيم عباس معروفة

    أخوي الكافل أظعوني .. يرأيت أعيونتگ اتشوفة

    على شاطي النهر مذبوح .. ييمة أمقطعة أچفوفة


    بساعة طيحت العباس .. دارت عالغريب الناس .. ولا ظل بالخيم حراس


    حاطت بناء الظلام .. خيلاً وحرقوا خيام

    بين الظماء والنار .. ناديتُ يكرار .. غوثاهُ واغوثاه

    ...

    أنا الهمي كبر روحي .. وعد عمري بكثر حزني

    نزل دمعي بمصاب أمي .. هدم جرح الضلع ركني

    تعب مني ألم دهري .. تنام النايبة بجفني


    بديت أمن الضلع والباب .. وأخذ من نكبة المحراب .. مصاب يحطني بأيد مصاب

    كم جارت الأيام .. بالحزاني والآلام

    الدمعُ في الأحداق .. والحزنُ في الأعماق .. من هولي ماعشناه

    ...

    من أصدار المحكمة

    من أداء الملا باسم الكربلائي

    من كلمات الشاعر الحاج أحمد العبادي


    ,,,,,,,,,,,,,,,,,,,,,,,,,,,,,,,,,,,,,,,,,,,,
    سهم العين

    يسهم العين أحچي أوياي .. أنت أصعب لو سهم الماي

    وضح أكثر .. يسهم الشر

    أنت أصعب لو سهم الماي

    ...

    يسهم الصوبت عين الچفيل أنته

    هاي المحكمة وجاوبني عالشفته

    قبل العين لازم صبت چف أخته

    قبل عين الچفيل حسين صوبته


    حاچيني ووضح للناس .. عن آخر نظرة لعباس

    صد لحسينه .. لو لسكينه

    أنت أصعب لو سهم الماي

    ...

    علامك يسهم وأتعجب بأمرك

    يسهم المصايب ينفرد ذكرك

    علامك ماخفت والثانية أتنظرك

    ولاخفت الچفوف الچانت أتئمرك


    ماتعرف يسهم العين .. قاصد تتحدى الچفين

    ياچف أيصد .. وأنظل ننشد

    أنت أصعب لو سهم الماي

    ...

    يسهم الصبت من طاحت أزنودة

    متعنى الچفيل وتعرف بزودة

    تعرف چم طفل يتئمل أضعودة

    منك حسرته لو من سهم جودة


    أنت أصعب لو سهم الجود .. بيمن ينظر للعامود

    هاي الحالة .. صوت أطفالة

    أنت أصعب لو سهم الماي

    ...

    أسئلك يسهم من طاح عالغبرة

    على وجهه وقع لوله على ظهرة

    أن چان أعلى الوجه من غيرك ينحرة

    وجرح أم البنين ودمعة الزهرة


    يوليدي الصوت من أثنين .. صوت أمك وصوت أم حسين

    أنظر دمعي .. ويسئل ضلعي

    أنت أصعب لو سهم الماي

    ...

    جاوب يسهم وأجروحنا أتسمعك

    سكوتك لاتظن بالمحكمة ينفعك

    من شافك أخيك وحاول يطلعك

    مثل سهم المثلث لو أشد وضعك


    من شافك بالعين أشقال .. ويشاهد وضع الچفال

    وقعت ذخري .. كسرت ظهري

    أنت أصعب لو سهم الماي

    ...

    أخيراً يسهم مجبور ترويها

    هاي أم القصص والعين تدميها

    زينب من أجت والآه تحديها

    تصد عليك وأنت بعين واليها


    ريتك ماصبت الرواي .. وأتمنى أتصوب عيناي

    صبت الغيرة .. وأنا بحيرة

    أنت أصعب لو سهم الماي

    ...

    من أصدار المحكمة

    من أداء الملا باسم الكربلائي

    من كلمات الشاعر السيد عبدالخالق المحنه


    ,,,,,,,,,,,,,,,,,,,,,,,,,,,,,,,,,,,,

    فيض الدما

    فيض الدما في كربلا يروي لنا معنى الإبا
    ارنا كيف السيف تحطم كيف النحر به يتحكم


    ناخذ من الطف مواقف بالغت بيها الرجال
    موقف انصار العقيدة بالخطر ثبتوا جبال
    من يزل الموت عنهم زعلوا وصاحوا تعال
    كشفوا صدور التحدي تنكسر بيها نبال
    مسرورة العقيلة تشوف بالميدان رايتكم
    ياليوث الوغا ومعروف بالكلفات ساعتكم
    صوت الحسين في كربلا يحدوا بهم نحو العلا
    فازوا ولهم عقبى الدارِ انصاري خيرُ الانصار


    انظر لجاسم والاكبر لوحة ترسمها الشباب
    من هتف صوت الرسالة جلمة الصارم جواب
    صولة شبول الامامة ساعة من يوم الحساب
    صبر ابو اليمة وشموخه وانحنى لذاك المصاب
    حملهم للخيم الام وبعينه الدمع كبر
    عين تعاين لجسام عين تعاين الاكبر
    انظر الى صرح الهدى شبل الامام المجتبى
    ماذا يعلن سيفُ الاكبر يخبرنا عن جده حيدر


    هاك اخذ بدر الهواشم موقف وسيف وصمود
    رفت الراية بيمينه نادى حل يوم الخلود
    ثابته الراية بثباته ماهوت ويه الزنود
    جم طفل مشبوحه عينه ينظر الكافل يعود
    يعباس الحرم برجاك عاود يا اسد ليها
    مامونه الخيم بحماك ومحد يكرب عليها
    ضرغامها بين الحشود دون السقا لا لن يعود
    لحسينِ السبط ليرويهِ لن يشربها قبل اخيهِ


    هذا عبد الله ومصابه النهر مات بظماه
    نادى من يسقي رضيعي والده ومحد رواه
    حرملة بنبلة ظلالة عاين لنحره ورماه
    عاود وتنتظره امه لنه مخضوب بدماه
    عسن يبني العمر لا طال بعدك يا ضوا عيوني
    ما جانت ابد عالبال بمصابك يفجعوني
    فرط اسى في قولها يحكي لنا عن هولها
    اهٍ لرضيعٍ ذبحوهُ ايَ عظيمٍ كان ابوهُ


    ودع حسين العقيلة عالخيم اصبح بعيد
    زينب تنادي على هونك تصفج الايد على ايد
    تكله خويه اكشف لي صدرك زينب بهاي شتريد
    قبلت صدره وتنادي يمه هذا ابنج وحيد
    رديت الامانة اليوم يمي وتسجب العبرة
    اقبل صدرك المالوم وصية امك الزهرة
    من زينبٍ بنت البتول فيض الدما ماذا يقول
    ماذا يعلن ماذا يخفي عن موقفها يوم الطفِ


    سهم المثلث رسالة للفواطم بالرحيل
    راح ابو اليمة يزينب فزعة العسكر دليل
    ركضت وتنده يحيدر بويه يا حامي الدخيل
    وصلت المصرع تودعه اخر وداع الخليل
    صدت للولي وشافت جثته موسده الغبرة
    خيل على الصدر داست ويلي وهشمت صدره
    هذا ابن بنت المصطفى رأسٌ على رأسِ القنا
    فلتبكيهِ سنينُ الدهرِ بات قتيلاً جنب النهرِ


    ,,,,,,,,,,,,,,,,,,,,,,,,,,

    اعذريني

    اعذريني يزينب يختي عذريني
    طفت عيني وطاحن يختي جفيني
    مارد للخيم جودي بذلت بهاذي مجهودي
    وطاحن يختي جفيني
    اعذريني


    اجيت من المدينة وياج يختي وعهدي ما عفته
    لاجن من عضيدي حسين حاير بالخيم شفته
    شفت اطفاله تتلوى تلوج وظهره كاسرته
    مشيت وكاصد اسكيها وعلى هالحالة فاركته
    يوصيني يوصيني ارد ليهم يوصيني

    بذلت بهاذي مجهودي وطاحن يختي جفيني


    فرت بالراية والبتار بيميني الماضعف باسه
    بعدوي اليوكف بدربي وحقج ينخطف راسه
    وشاطي العلكمي الملزوم اخوج بلا تعب داسه
    يريد الماي ابن حيدر وفنها ترده حراسه
    مياديني مياديني خضت بيهم مياديني

    واخذت العلكمي بزودي وطاحن يختي جفيني


    وصلت المشرعة وجبدي مثل جمر الغظى تشظه
    غرفت الماي اريد اشرب يختي وخوتي ترفضه
    تراوالي وسط جفي جبد حسين يتلظى
    رميته ونهضت الخوة والمروّة فرد مرة
    تغريني تغريني ينفسي لا تغريني
    وفيه وثابته وعودي وطاحن يختي جفيني


    باليمنه انتخى البتار لركاب الخصم حاصد
    ملكت المشرعة بسيفي وحقج والعلم شاهد
    الفرات بجودي لميته واجيت لخيمتج كاصد
    اوصل الماي اريدن ليج يختي وبالعمر زاهد
    يناديني يناديني شرف خدرج يناديني
    واجاوب يا نفس ذودي وطاحن يختي جفيني


    يختي العذر لله وليج يزينب طاحت اليمنه
    كمت باليسره حامي الجود كون الماي اوصلنه
    لمن طاحت اليسره حنيت الصدره اظمنه
    لجن من صوبوا عيني يزينب ما بكت ظنه
    على جبيني على جبيني خضاب الدم على جبيني
    هويت وماهن زنودي طاحن يختي جفيني


    يبواليمه مجاني هنا اظل ومن تعود انته
    اذا نشدت عقيلتنا تكلها على النهر عفته
    وتنشدك ادري يا خويه وتكلك ليش ما جبته
    تجاوب مستحي العباس يرد لمخيمج يخته
    تجازيني تجازيني بصبر قلبج تجازيني
    عساني وفيت بعهودي وطاحن يختي جفيني


    [/url]
    [/img][ندعوك للتسجيل في المنتدى أو التعريف بنفسك لمعاينة هذا الرابط][url]
    الرجوع الى أعلى الصفحة اذهب الى الأسفل
    http://www.cityof3lem.hisforum.net
    ريحانة الحسين

    avatar

    انثى عدد المساهمات : 14
    نقاط : 33
    السٌّمعَة : 3
    تاريخ التسجيل : 20/01/2010

    مُساهمةموضوع: رد: مجموعة من قصائد الملا باسم الكربلائي   الأربعاء فبراير 10, 2010 8:05 am

    بسم الله الرحمن الرحيم
    اللهم صلي على محمد وال محمد وعجل فرجهم والعن اعدائهم


    شكرا لك اخي الفاضل شيعي وموالي على هذا المجهود والنقل المميز

    جعله الله في ميزان حسناتك


    وفقنا وياكم لما يحب ويرضى
    الرجوع الى أعلى الصفحة اذهب الى الأسفل
    علي ولي الله
    مراقب عام
    مراقب عام
    avatar

    ذكر الابراج : الاسد
    عدد المساهمات : 27
    نقاط : 56
    السٌّمعَة : 4
    تاريخ التسجيل : 17/01/2010
    العمر : 24

    مُساهمةموضوع: رد: مجموعة من قصائد الملا باسم الكربلائي   الأربعاء فبراير 24, 2010 2:51 pm

    اللهم صلي على محمد وآل محمد وعجل فرجهم وألعن أعدائهم



    السلام عليكم ورحمة الله وبركاته



    جزاك الله خير الجزاء اخي الكريم -- شيعي وموالي -- ع المجود المبارك



    جعله الرحمن في ميزان اعمالك



    والله ولي التوفيق
    الرجوع الى أعلى الصفحة اذهب الى الأسفل
     
    مجموعة من قصائد الملا باسم الكربلائي
    استعرض الموضوع السابق استعرض الموضوع التالي الرجوع الى أعلى الصفحة 
    صفحة 1 من اصل 1

    صلاحيات هذا المنتدى:لاتستطيع الرد على المواضيع في هذا المنتدى
    مدينة العلم :: منتدى الصوتيات و المرئيات :: قصائد مكتوبة-
    انتقل الى: